რა არის პითონი?

პითონი არის კომპიუტერული პროგრამირების ენა, რომელიც ხშირად გამოიყენება ვებსაიტებისა და პროგრამული უზრუნველყოფის შესაქმნელად, ამოცანების ავტომატიზაციისა და მონაცემთა ანალიზის ჩასატარებლად. 

Python არის ზოგადი დანიშნულების ენა, რაც იმას ნიშნავს, რომ ის არ არის სპეციალიზებული რაიმე კონკრეტული პრობლემის გადასაჭრელად.

ერთ-ერთი მიზეზი, რის გამოც Python უკეთესია სხვა პროგრამირების ენებთან შედარებით, როგორიცაა C, C++ ან Java, არის ის, რომ იგი მარტივად შესასწავლი და ადვილად გამოსაყენებელია. გარდა ამისა, პითონს შეუძლია შედარებით მოკლე კოდით შეასრულოს იგივე ოპერაციები და ამოცანები, რომლებიც შესრულებულია სხვა პროგრამირების ენებზე.

პითონი არა მარტო მარტივად სასწავლი, არამედ საკმაოდ მოქნილი პროგრამირების ენაცაა. არსებობს 125000-ზე მეტი Python ბიბლიოთეკა, რომელიც საშუალებას გაძლევთ გამოიყენოთ Python მანქანათმცოდნეობისთვის, ვებ დამუშავებისთვის და ბიოლოგიისთვისაც კი. ასევე, მონაცემების დასამუშავებლად და შედეგის ვიზუალიზაციისთვის განკუთვნილი ბიბლიოთეკები, როგორიცაა pandas, NumPy და matplotlib. მონაცემთა ანალიზსთვის პითონი შესანიშნავი ინსტრუმენტია.

Python-ის უპირატესობებისა და მისი მოქნილობის წყალობით, იგი გამოიყენება თითქმის ყველა მიმართულებით: ფინანსები და ვაჭრობა, სამეცნიერო და მათემატიკური გამოთვლები, ვებ-დეველოპმენტი, სისტემის ავტომატიზაცია და ადმინისტრირება, Კომპიუტერული გრაფიკა, თამაშების შექმნა, უსაფრთხოებისა და შეღწევადობის ტესტირება, ზოგადი და აპლიკაციის სპეციფიკური "სკრიპტინგი", ხელოვნური ინტელექტი და სხვ.

რა თქმა უნდა პითონსაც აქვს თავისი სუსტი მხარეები. ასეთია მაგალითად მეხსიერების არაეფექტურად გამოყენება, რაც გამოწვეულია იმით, რომ იგი საკმაოდ იოლად სასწავლი გახადეს ჩვენთვის, რის გამოც პითონის სიჩქარე ზოგიერთ სხვა პროგრამირების ენასთან შედარებით შემცირდა. ამიტომ პითონი არ ითვლება იდეალურად მობილური აპლიკაციების შემუშავებისა და თამაშების განვითარებისთვის, მეტი მეხსიერების მოხმარებისა და მისი ნელი დამუშავების სიჩქარის გამო.

საბოლოო ჯამში, პითონი არის ერთ-ერთი ყველაზე მარტივად შესასწავლი და ფართოდ გამოყენებადი ენა, რომლის გაცნობის შემდეგაც შეძლებთ დაიწყოთ მუშაობა პროგრამირების განხრით და პარალელურად შეისწავლოთ უფრო რთული პროგრამირების ენებიც, რომლებიც პითონის შესწავლის შემდეგ თქვენთვის შედარებით მარტივად ასათვისებელი გახდება.

იხილეთ პითონის პროგრამირების ონლაინ კურსები ჩვენს პლატფორმაზე:

PyWorld Georgia